Lanmou pot lajwa, pafwa l mache ak soufrans, penitans e menm esperans. Men li se sous l espwa, lafwa ak lajwa tou. Si ou fè bon chwa, w ap goute tikal bonè.
Anpil moun panse otreman, yo di... lanmou womantik fini, tout jènjan ganlan pati, zafè pèdi tan file fanm ak ti powèm flè nan men pase mòd. Men, èske se vre? Èske vrè lanmou an demode? Èske bon jènjan yo disparèt? Èske ti koze womantik yo se pèdi tan, rans nad marinad?
Rekèy pwezi sa prezante fason gason itilize pwezi pou file diferan medam? Èske y ap reyisi? Èske y ap jwenn repons yo swete a? Oswa èske mesye yo ap deside bay vag?
Ki pi bon fason pou fè yon fanm dous, ke nan lang natif natal la? Wi, an kreyòl. Yon lang ki dous, ki senp, e ki sansyèl.