Blinkklippiekoors

"Blinkklippiekoors is 'n heerlike Wilde Weste-storie wat Gert uit 'n verskeidenheid interessante karakters hier in Afrika geweef het. Hy neem die leser na 'n tydperk in ons geskiedenis waarvan ek nie veel geweet het nie die delwers se omstandighede, hulle lief en hulle leed."

JEANETTE STALS

Blinklippiekoors: Sinopsis

*New Rush. Van oraloor het hulle gekom. Uitlanders, binnelanders, boere, swart werkers. Almal met die blink hoop van diamante in hulle harte en oë. Elkeen met sy eie storie soos die drie broers van 'n plaas naby Philippoilis wat wou wegkom van hulle Engelse stiefpa; Aletta wat haar pa naby New Rush moes begrawe; die sluwe Caprini, 'n Italianer uit Kanada; die danseressies uit België en Staanvas uit die Kaap. Op New Rush sou hulle elkeen saam met ander in die geroesemoes 'n rol speel. New Rush was die rykste maar ook die onstuimigste van die diamantdelwerye. Hy was soos 'n mensvretermonster. Soms het hy kitsryk gemaak maar meermale het hy kerkmuis bankrot gemaak. Daar was ook die Engelse politiekery en imperialisme en die persoonlike vete en haat van aanklaer Shaw teenoor sy drie stiefbroers. Swendelaars en diamantsmokkelaars was daar en die gedwonge verraad van Staanvas teenoor een van sy vriende; maar daar was ook liefde wat ontluik, geblom en gedy het.

*New Rush is eers in Julie 1873 herdoop tot Kimberley, die Colesbergkoppie het verdwyn en die wêreldberoemde Groot Gat is graaf vir graaf uitgegrou agter die skitterblink klippies aan.

Dettagli