Bloed in die kaarte

Ná die ontploffing by die Red Rooster loop gemoedere hoog. Getraumatiseerd, magteloos en nou ook óórmoeg, is Hinkel desperaat om uit te vind wie vir die aanval verantwoordelik was. So, toe 'n vreemde vrou hom in die hospitaal se lobby voorkeer en sê dat sy 'n medium is, en dat sy hom kan help om antwoorde te kry, kan hy dit nie heeltemal aflag nie. Onder normale omstandighede sóú hy, maar as daar 'n kans is dat hy die skuldige kan laat betaal vir wat aan Janke gedoen is, kan hy nie bekostig om dit te ignoreer nie. Hierdie besluit lei egter vir Hinkel op 'n baie donker pad...

BLOED IN DIE KAARTE is die sewe-en-twintigste van 'n reeks Afrikaanse whodunnit-novelles deur bekende skrywer Anna Emm*! Dit is die ideale leesstof vir enigeen met min tyd, want hierdie korter novelles kan elk binne 'n uur of twee gelees word. Dis positiewe, aksiebelaaide stories wat jy met 'n geruste hart ook vir jou tieners kan aangee.

Dettagli