Daar is 'n woonstel in Kaapstad met die naam Gran Via. Daar loop 'n storie dat almal wat in hierdie woonstel bly, ware liefde vind.
LIEBE...
Liebe Rossouw het nie tyd vir sulke ouvroustories nie. As sy haar kunsdiploma wil kry en vir eens en altyd onafhanklik van haar ryk familie wil wees, moet sy haar finale projek 'n portretstudie binne vyf dae inhandig. Toe haar woonstel se plafon inmekaarsak, stel haar suster voor dat sy tydelik in Gran Via gaan bly. Net tot die skildery klaar is. Net tot die nuwe huurder intrek.
Nou moet Liebe net die regte model kry vir haar skildery. Haar vriendin, Callista, bied aan dat Liebe haar nuutste boyfriend 'leen'. Hy is sag op die oog. En hy is tussen projekte. Maar dis nie lank nie, of die vonke spat tussen Liebe en Joseph...
GRAN VIA: DIE MAN IN MY SKILDERY is die eerste boek in Anna Emm se Gran Via-reeks. Weens volwasse temas in die boek word dit nie aanbeveel vir lesers onder 17 jaar nie.