Dis die aand van Valentyndag, en Agrippa se polisiediens het hulle hande vol. Daar is niks soos die dag van harte om emosies te laat oorkook en geweld te laat eskaleer nie. In die rykmansbuurt, Valhare, is 'n single's party in volle swang. Een van die speletjies wat gespeel word, is Dooie Valentyn 'n soort musical chairs waar elke deelnemer sy maat in die donker moet vind voor die ligte weer aangaan. Maar toe die ligte aangaan, is een van die spelers régtig dood, 'n mes in die hart. Onder die gaste is 'n moordenaar... Hinkel se Valentynsdagplanne word in die wiele gery toe hy en Janke ingeroep word na die moordtoneel.