Kersfees op Wonderfontein. Sketse oor vergange se dae

Hennie Aucamp sê in sy Voorwoord tot hierdie bundel namens `n ouer én `n jonger leserspubliek "hartgrondiglik dankie". Dit teken `n landelike kontrei waar die skrywer sy gelukkige kindertyd deurgebring het, spesifiek by `n sendingstasie in die Noord-Transvaalse Bosveld. Daar ontmoet ons die mense, dikwels die karakters, in hulle uniekheid, beleef ons die avonture en waarnemings van `n optekenaar soos min.

Dis gepas dat Aucamp die vergelyking tref met Alba Bouwer se Stories van Rivierplaas. Dis die spesifieke besonderhede van die onskuldige plattelandse leefwyse wat tref en op die duur gekoester word by die lees en herlees: die meubels, klere en karre, om nie te praat van die huis- en werfdiere, speelgoed en die ontdekking van die wonder van musiek nie. Kersfees op Wonderfontein is `n waardevolle toevoeging tot die kontreiliteratuur in Afrikaans, maar dra ook iets besonders by tot die sosiale en kulturele geskiedenis van streke wat nou onherroeplik verander het. Dis `n tydige geskenk aan die taal en sy lesers. Die titel sê eintlik alles.

Dettagli