Kijiji Changu ni kitabu ambacho kinaangazia changamoto na ugumu wa maisha. Kutoka kwa ukosefu wa rasilimali za msingi, wizi na kukata tamaa. Hata hivyo, matumaini huja kupitia Faulu, ambaye ni kijana mwenye hamu ya kuleta mabadiliko katika jamii yake. Kupitia ujasiri wake na azma ya kusaidia kijiji chake, Faulu anaongoza safari ya kuleta mafanikio.
Baada ya kuhitimu chuo kikuu, anatafuta kazi ya uanahabari nchini Ujerumani. Mkataba wake unafikia kikomo baada ya miaka mitatu na anarejea nyumbani akiwa mtu mwenye malengo makubwa. Azma yake ya kuleta sura mpya inaanza kwa kuhamasisha jamii kufanya kazi pamoja na kutatua matatizo yao kwa pamoja. Vyama vya kutatua matatizo vinaundwa na vikaleta sura ya kipekee kijijini. Faulu pia anapewa jukumu la kuwa mwenyekiti wa kamati maalumu ya maendeleo inayohakikisha miradi yote inakamilika kwa wakati.
Kitabu hiki kinatoa ujumbe wa matumaini na uwezekano wa kubadilisha hali.