YouTube-sensasie, Ainly Boyle, is baie opgewonde oor die groot modeparade wat sy gereël het. Sy is veral baie in haar skik met die tema wat sy gekies het vir die aand, nl. Liewer Dood afgelei van die gesegde 'Liewer dood as uit die mode'. Ainly voel dat dié naam baie gepas is, aangesien die modeparade ten bate van Agrippa se polisiediens sal wees. Die wérklike rede waarom die naam besonder gepas is, mag sy egter nie verklap nie: Die feit dat die modeparade net 'n rookskerm is, dat die funksie éintlik die lokaas is waarmee kaptein Flint en Alexander Hinkel hoop om 'n gevaarlike moordenaar uit sy skuiling te lok...