Ge mongwadi a bolela ka mafokodi a pelo, ga a bolele feela ka bothata bja pelo e fokolang e hlokang hlahlobo ya bongaka, eupša ditaba tša moya le tša maikutlo. Gobane ke a tseba gore ka dinako tše dingwe ge batho ba itshwere gampe ga se ka mehla e lego gobane ba le babe goba ba nyaka go tuma. Ke mokgwa wa go kgopela thušo. Gobane ga o tsebe bohloko bjoo motho a bo kwago ka gare ga pelo goba mahloko a a kwang. Ga o bone gore naa ba hlonama gakae, mme lebaka la gore ba ipeya molato ka dilo tšeo ba bego ba sena taolo go tšona. Bjale ka lehu la baratiwa ba bona, bjalo- bjalo. Ka moo, nakong e tlago ge o bona batho ba bjalo, ba thuše ka mo o ka kgonang. Bohle re kwa bohloko mme re bontšha ka moo re ikwago ka tsela tše fapaneng. Ba bangwe ba ikuta ka gare go fihlela ba phatloga. Ba bangwe ba ya lefelong la boitšhirollo goba ba botša motho o mongwe le o mongwe yo ba mo tsebang.
Bophelo bjo, ga bo bonolo go motho o mongwe le o mongwe, o ka kgetha go thuša motho goba o ka kgetha go bolela gampe ka bona. Ke tseba batho ba nang le kgatelelo ya maikutlo goba monagano, ba itshegang go ikweša bohloko goba ba nwe dipidisi go fetiša tekano. Ga go yo a ka tsebang bohloko bja motho o mongwe ka pelong gobane ba bangwe ba dula ba myemyela. Ba leka go khuta ka myemyelo le maaka a gore "Ke phetše gabotse blah, blah, blah " A re rataneng! Modimo o re rata ka moka,
"O lokile go bohle, o na le lerato go tšohle tšeo a di bopileng."
(Dipisalome 145: 9)