Umvila

Uyini Umvila?

Umvila ligama lesintfu lapho kuhloniphiswa khona ligama lelitayeleke ngekutsi yindlela. Kubangelwa yini kutsi umbhali walencwadzi ayetse ngekutsi yinguMvila? Sizatfu kungukutsi lena ncwadzi iyindlela lekuhanjwa ngayo nanobe uyakuphi. Ayikho indlela leyingekho kulenancwadzi, yicuketse tonkhe tindlela letatiwako. Ngutiphi leto tindlela leticuketfwe ngulencwadzi? Leto tindlela tinkondlo, ngito letibitwa ngeMvila.

Umbhali walencwadzi uye watihlupha busuku nemini busika neluhlobo wetama wayovula indlela ayivulela emaSwati kutsi akwati phela endleleni lehlobile kanye nalekhanyako kute bakwati kufinyelela lapha khona baphephile. Nembala nayi indlela sewuyinhlanhlile uyinhlanhlele nine boNgwane, seyivutsiwe seyikulungele kutsi ningayisebentisa nihambe ngayo boNgwane. Hambani boNgwane nayo seyinilindzile kutsi nihambe ngayo.

Umvila ukhutsata lusha kanye naletinye tetsamelilwati kutsi nabo abahlome bahlasele bafundze ngobe umuntfu lahlale afundza njalongu ngulowo lahlala aphumelela ngaso sonkhe sikhatsi. Fundzani-ke boNgwane nail lidlelantfongeni lenu linikhutsata. Umvila ubuye futsi ukhutsata lusha kanye naletinye tetsamelilwati kutsi abahlome bahlasele babhale. Bhalani-ke boNgwane nail lidlelantfongeni lenu linikhutsata.

Umbhali walencwadzi utsandza kucolisa uma ningahlangabetana nemaphutsa. Lapho-ke uyaticolisela ngobe usemusha kulomsebenti, kodvwa kulona lawutawulandzelisa ngawo utawenta siciniseko sekutsi ushaya emhloleni. Umbhali walencwadzi utsi lakhe linye nje VO..! ungasakhulumi phutfuma uhambe ngalendlela ngobe itawuze yene.
"Titfole phakatsi"

Dettagli